Өнөөдөр өглөө Монгол Орос хамтарсан сургуулийн захирал Ж.Соронзонг өнөөдөр өглөө ажлаас нь чөлөөлөх шийдвэр гаргасан. Тэгвэл энэ шийдвэрийг эцэг эхчшшд эсэргүүцэж жагсаал хийж байна.
Эцэг эхчүүдийн төлөөлөл: “Энэ сургуульд би 12 жилээр нэг хүүхэд төгсгөсөн дараагийн хүүхэд маань 11 дүгээр анги, бас 3 дугаар ангид нэг хүүхэд маань сурч байна. Би Соронзон башгтай ойроос хувьчилж ярьж үзээгүй. Өнөөдрийг хүртэл үзээгүй. Хурал дээр л яриаг нь сонсож байсан. Төлбөрөө төлөөд, шалгалтаа өгөөд орсон. Энэ хүнийг авлига авдаг гэдгийг бол мэдэхгүй. Түүнээс биш 20 жилийн турш Соронзон багш эцэг эхчүүдтэй хамтарч үйл ажиллагаагаа явуулж байгаа. Энэ эцэг эхчүүд авлига өгөөд орсон бол энд ингээд жагсахгүй. Би бол үнэхээр гайхаж байна. Будрагчаа гэж хүн Соронзон захирлыг , бидний үр хүүхдийг үнэхээр хэцүү байдалд оруулж байна. Шалгадаг газар байвал шалгаач” гэж хэлж байсан юм.
Энэ мэтчилэн эцэг эхчүүд өөрсдийн үзэл бодлоо илэрхийлж Ж.Соронзон захирлыг ажлаас нь чөлөөлөх шийдвэрийг эсэргүүцэн жагсаж байна. Мөн жагсаалд оролцож байгаа эцэг, эхчүүд “бид анх хүүхдээ элсүүлэхэд л Соронзон багш бүх тайлан тооцоо болон сургалтынхаа системийг танилцуулсан. Хүүхдээ бид чанартай боловсрол эзэмшүүлэхийг хүсэж байна, энэ сургуулийн системийг энэ чигээр нь үлдээхийн тулд эцэг эхчүүд ямар нэгэн шахалт шаардлагагүйгээр өөрсдийн хүсэлтээр жагсаж байгаа” гэдгээ хэлсэн юм.
Г.Бүжинлхам
