Их Британийн шинэ Ерөнхий сайдаар сонгогдсон Лиз Трасс тус улсад эрчим хүчний хямралын олон асуудлыг шийдвэрлэхээ амлаж байна. Үүний тулд Хойд тэнгис дэх газрын тос, байгалийн хийн ордуудыг ашиглахаар төлөвлөж байна гэж "Компани" сэтгүүл мэдээлэв.
Мөн Ерөнхий сайд татварыг бууруулж, батлан хамгаалахын төсвийг нэмэгдүүлж, Британийн Төв банкинд шинэчлэл хийж, тус улсад үйлчилж буй Европын холбооны хууль тогтоомжийг хүчингүй болгох гэж байна.
Трассын гадаад бодлого Хятад, Оростой сөргөлдөөний шугамыг бэхжүүлэх төлөвтэй байна.
Би айл өрхийн цахилгаан эрчим хүчний төлбөрийн асуудал, цаашлаад хангамжийн салбарт тулгамдаж буй асуудлуудыг шийдвэрлэх замаар эрчим хүчний хямралыг гэтлэн давна гэж тэрбээр хэлэв. Тиймээс Трасс ерөнхий сайдаар сонгогдсон эхний долоо хоногтоо цахилгааны үнийн өсөлттэй тэмцэх төлөвлөгөөгөө танилцуулна гэж амлав.
Тэрээр ирэх өвөл олон сая айл өрхийн цахилгааны үнийг царцааж магадгүй юм. Мөн Хойд тэнгист газрын тос, байгалийн хийг нэмж олборлох, шинэ ордуудыг ашиглах зорилгоор өрөмдлөгийн 130-аас доошгүй лиценз олгохыг зөвшөөрөх бодолтой байна.
Ийм арга хэмжээ нь эрчим хүчний үнэ огцом буурахад хүргэхгүй, энэ нь урт хугацааны асуудлыг шийдвэрлэхэд чиглэгдэж байгаа болохыг тодотгожээ.
Лиз Трасс 2023 он гэхэд Их Британид хүчин төгөлдөр мөрдөгдөж буй ЕХ-ны 2400 хуулийг хүчингүй болгохоор төлөвлөж байна. Түүний бодлоор энэ хуулиуд тус улсын бизнест саад учруулж байна. Мөн үүнтэй ижил шалтгаанаар татварыг бууруулахаар төлөвлөж байна. Тодруулбал, НӨАТ-ыг 2.5% эсвэл 5% -иар бууруулж Британийн бизнесмэнүүдийг дэмжих ёстой гэжээ.
Трассын хэрэгжүүлэх асуудлуудын дотор Төв банкийг шинэчлэх төлөвлөгөө багтаж байна. Тодруулбал, Английн Төв банкнаас инфляцийн талаарх зарим таамаг буруу гаргасан нь энэхүү шинэчлэлийн шалтгаан болж байгаа аж.
Эрх чөлөө, ардчиллаас илүү чухал зүйл байхгүй, бид энэ байдлыг үргэлжлүүлэхийг зүгээр л зөвшөөрч болохгүй гэж улстөрч мэдэгдэв.
Арван жилийн эцэс гэхэд Трасс цэргийн зардлыг ДНБ-ий 3% хүртэл нэмэгдүүлэхээр төлөвлөж байна. Мөн Хятад улсыг үндэсний аюулгүй байдалд заналхийлсэн гэж зарлаж, харин ОХУ-ын хувьд бодлого хэвээрээ байх болно Трасс Киевийг дэмжсэн хэвээр байгаа ч ОХУ-ын Ерөнхийлөгч Владимир Путинтэй яриа хэлэлцээ хийхээр төлөвлөж байна.
Сануулахад, ОХУ-ын Ерөнхийлөгчийн хэвлэлийн төлөөлөгч Дмитрий Песков өмнө нь Лиз Трасс Ерөнхий сайдаар сонгогдвол Их Британитай харилцах харилцаанд эерэг өөрчлөлт гарна гэж Кремль хүлээхгүй гэж өмнө нь мэдэгдэж байсан юм.
Эх сурвалж: Лента.ру6 NEWS.ru
