Афганистаны Кабул дахь Оросын элчин сайдын яамны байрны ойролцоо дэлбэрэлт болсон тухай РИА Новости агентлаг мэдээлэв.
Дэлбэрэлтийн уулмаас 15-20 хүн амиа алдаж шархдсан гэж эх сурвалж РИА Новости агентлагт мэдээлжээ. Гэхдээ энэ тоо одоогоор эцсийнх биш бөгөөд хохирогчдын тоо бүрэн гүйцэд гараагүй байна.
Харин ВВС агентлагийн мэдээлснээр ОХУ-ын Элчин сайдын яамны хоёр дипломат ажилтан амь үрэгдсэн гэжээ.
Оросын дипломат ажилтан виз мэдүүлэгчдийн нэрийг зарлахаар байрны гадаа дараалалд зогсож байсан хүмүүс рүү дөхөх үед дэлбэрэлт болсон аж.
Түүнчлэн амиа золиослогч этгээдийг талибуудын харуулууд буудсан гэж Ройтерс агентлаг мэдээллээ.
Болсон хэрэг явдалтай холбогдуулан ОХУ-ын ГХЯ-ны тэргүүн С.Лавров Кабул дахь Элчин сайдын яамны ойролцоох террорист халдлагыг зохион байгуулагчдыг ойрын хугацаанд шийтгэнэ гэж Москва хүлээж байна гэж мэдэгдэв.
Тодруулахад, 2021 оны 8-р сард Талибан хөдөлгөөнийхэн Кабулыг эзлэн засгийн газрын цэргүүдтэй хийсэн дайн дууссаныг зарласан юм. Улмаар мөн оны 8-р сарын 31-ний шөнө АНУ-ын цэргийнхэн Кабулын нисэх онгоцны буудлаас явснаар Афганистан дахь Америкийн цэргийн 20 орчим жилийн хугацаа дуусгавар болжээ.
Эх сурвалж: РИА новости болон ВВС
