Хөгжлийн банкны эрх бүхий албан тушаалтнууд албан үүрэг, бүрэн эрхээ урвуулан ашиглаж нэр бүхий байгууллагуудад хууль бус зээл олгосон гэх хэргийг АТГ шалгаж, мөрдөх ажиллагаа үргэлжилж байна. Уг хэрэгт нийт 79 хүнд холбогдуулан эрүүгийн хэрэг үүсгэж, яллагдагчаар татан, мөрдөн шалгах ажиллагааг явуулж байсан бол дахин 4 хүнийг яллагдагчаар татан мөрдөж байна. Өөрөөр хэлбэл: Хөгжлийн банкны хэрэгт холбогдуулан 83 хүнийг яллагдагчаар татсан шалгаж байгаа бол тэдний 4 нь УИХ-ын нэр бүхий байгаа юм.
Мөн Монголбанкны Ерөнхийлөгч Б.Лхагвасүрэнг "Бэрэн групп" ХХК-д зээл олгосон асуудлаар мөн яллагдагчаар татсан байна. Түүнийг Эрүүгийн хуулийн 22.1, "Эрх мэдэл, албан тушаалын байдлаа урвуулан ашиглах" зүйл ангид үндэслэн яллагдагчаар татжээ.
Хоёр их наяд гурван зуун наян гурван тэрбум долоон сая дөрвөн зуун гучин зургаан мянга ерэн дөрөв /2,383,007,436,094/ төгрөгөөр тооцогдож байгаа уг хэрэгт холбогдох мөрдөн шалгах ажиллагаа дуусаагүй, хэргийг АТГ-аас прокурор луу шилжүүлээгүй байгаа талаар эх сурвалж мэдээлээд байгаа юм.
Г.Бүжинлхам
