-Уул уурхайн салбарт Х.Бадамсүрэнг залгах залуучууд байхгүй гэж үү-
Монгол улсад улс төрөөс явж өгдөггүй, ашигтай салбар бүрт эзэн суудаг, өөрийн хүмүүсээ шургуулдаг хэд хэдэн фракци байсаар л байна. Түүний нэгэн том жишээ нь хамгийн сүүлд ЗГХЭГ-ийн даргаар ажиллаж байгаад ажлаа өгсөн Ц.Нямдорж гуай гэх мэт. Үүнтэй өнгө ижил нэгэн бол төрийн мөнгөөр баруун солгойгүй наадагч, уул уурхайн салбарын ашигтай мест болгонд эзэн суудаг Х.Бадамсүрэн гуай.
Тэрбээр 1994 оноос хойш Орос Монголын хамтарсан "Монголросцветмент" нэгдэлийн даргын ажлыг бүтэн 12 жил хашсан. Энэхүү урт удаан хаанчлалынхаа дараагаар “Эрдэнэт үйлдвэр”-ийн даргийн төлөөх өрсөлдөөнд унах шахсан ч эцсийн мөчид намаасаа дэмжлэг аван тус үйлдвэрийн захирлын суудалд заларсан. Харин өдгөө 67 настай түүнийг “Эрдэнэт үйлдвэр”-ийн захирлын суудлаа өгөөд тэтгэвэртээ гарна гэж бодож байснаас, “Эрдэнэс Монгол” корпорацийн "Зэс металл групп"-ийн даргаар томилно гэж хэн ч санасангүй, зүүдэлсэнчгүй дээ.
Эрдэнэт үйлдвэрийн дарга асан Х.Бадамсүрэн, Сонгуулиар МАН-ын санхүүг даасныхаа хариуд Хөдөлмөрийн баатар цол хүртсэн гэх шуум ч бий. Энэ мэт “Эрдэнэс Монгол” корпорацийн "Зэс металл групп"-ийн даргаар томилогдож, тэтгэвэртээ гарахгүй төрийн хормойноос зуурсаар байгаагийн цаад шалтгаан юу вэ?
Эрдэнэт үйлдвэрийн захирлаар ажиллаж байхдаа Х.Бадамсүрэн нөгөө хэл ам дагуулсан маргаантай 49 хувийг Францын томоохон компанид зарахаар Сингапурт хөөцөлдөж явсан бөгөөд тухайн үед томчуул нь хоорондоо хэлэлцэж уурлах нь уурлаж бөөн асуудал болсон гэдэг яриач бий.
Ам нээх болгондоо ач холбогдол үр дүн ярьдаг Х.Бадамсүрэнгийн хаанчлал хэзээ дуусах вэ. Тухайлбал: Монголросцветментийг дампууруулсан, Монголдоо 1 их наяд хэмжээний тогны төлбөр төлсөн гавьяа байгуулсныхаа шанд охиныхоо сургалтын төлбөрийг “Эрдэнэт үйлдвэр”-ийн мөнгөнөөс төлсөн, “Эрдэнэт үйлдвэр”-ийн санхүүгийн тайланд зөрчил үүсгэж 124,89 тэрбум төгрөгийн зөрчил үүсгэсэн, эдийн засгийн үнэлгээ нь буурсан хөрөнгүүдийг хэт өндөр үнээр үнэлж тайландаа бичсэн, үйлдвэрт хамаагүй хүмүүсийн сургалтын төлбөр төлж, хаусаар шагнасан, 1,4 тэрбум төгрөгний 19 амины орон сууц худалдан авсан гэх мэт Эрдэнэт үйлдвэрийн мөнгөөр өөрийн ажлыг амжуулж, эргэн тойрныхоо сандлын шигдээсүүдийг баярлуудаг гавьяа их бий.
Уг нь ийм их хөрөнгө завшсан юм чинь хэдэн үеэрээ идэх хоолтой болсондоо баярлаад одоо шинэ сэргэлтийн бодлогоо дэмжин залуучууддаа зайгаа тавьж өгөх цаг нь болосон баймаар. Гэтэл уул уурхай салбарт олон жил ажилласан, туршлагатай гэх шалтгаанаар дахин төрийн дээд албан тушаалд залран, хааны суудал дээрээсээ буухгүй зуурч байгаагийн цаад шалтгааныг иргэн та ч гэсэн тунгаах биз ээ.
Монголын төр таньд ямар өртэй юм бэ. Нөгөө “тосгоноос охин явсан ч тосгон түүнээс явсангүй ээ” гэдэг шиг Х.Бадамсүрэн тэтгэвэртээ гарах гэсэн ч Монголын төр түүнээс явсангүй, түүнийг явуулсангүй.
Г.Бүжинлхам
