Засгийн газрын ээлжит хуралдаан эхэллээ. Ийнхүү Л.Оюун-Эрдэнийн танхим бүрэлдэхүүнээ шинэчилснээс хойш анх удаа хуралдаж байна. Өнөөдрийн хуралдаанаар Инфляцын нөхцөл байдал, авч хэрэгжүүлэх арга хэмжээний талаар хэлэлцлээ.
Ч.Хүрэлбаатар: “Монгол Улсын байдлаар инфляцийн түвшин 15,7 хувьтай байсан. Яг одоо наймдугаар сарын байдлаар инфляцийн түвшин 14,1 хувь болжээ. Ингэж буурахад мах, хүнсний ногооны бууралт нөлөөлсөн. Энэ бол улирлын шинж чанартай өөрчлөлт .
Үнийн өсөлтөд нөлөөлж байгаа суурь шалтгаанд ямар эрсдлүүд байгаа талаар хэлэлцэхэд төлбөрийн тэнцлийн алдагдал нөлөөлж байна гэж үзэж байна. Энэ жилийн төгрөгийн тэнцлийн алдагдалыг тооцвол 1,3 тэрбум ам.доллар байна. Өнгөрсөн жилийнхтэй харьцуулахад үндсэндээ 1 тэрбум ам.доллараар нэмэгдчихсэн байна. Энэ нь цаашдаа төгрөгийн тэнцэлийн сулралд нөлөөлж байна” гэв.
Мөн “Бээжин хавийн 4-5 газарт хөл хорио тогтоосон. БНХАУ-д КОВИД-той холбоотойгоор авч хэрэгжүүлж буй арга хэмжээ нь манай улсын тээвэр зуучлал болон бараа бүтээгдэхүүний үнийн өсөлтөд нөлөөлөх эрсдэл өндөр байгаа.
Тус улсын авч хэрэгжүүлж байгаа арга хэмжээ хэр удаан үргэлжлэхийг хэлж мэдэхгүй байна. Өчигдрөөс Бээжин хавийн 4-5 газарт хөл хорио тогтоох арга хэмжээ авсан нь бидэнд тодорхой эрсдэл үүсгэж байгаа” гэлээ.
