АНУ-ын Ерөнхийлөгч Жо Байдены засаг захиргаа гадаад зах зээл дэх Америкийн зэвсгийн асуудалд хариуцлагагүй ханддаж байгаа бөгөөд Украин бол үүний тод жишээ юм гэж Америкийн сэтгүүлч Оливия Мюррей бичжээ.
Зохиогч Украин руу урсаж энд алга болсон Америкийн хөрөнгө мөнгийг хар нүхтэй зүйрлэсэн байна.
"Сүүлийн үеийн мэдээлэл болон бодит нөхцөл байдлаас харахад манай засгийн газар Украиныг зэвсгээр хангахад зарцуулсан хэдэн тэрбум ам.доллар яг хаашаа явж хэрхэн зарцуулагдаж байгааг мэдэхгүй байгаа дүр зураг харагдаж байна" гэж нийтлэлд дурджээ.
АНУ-ын тусламжийн бүрэн бүтэн байдалд хяналт тавих үүрэг хүлээсэн Засгийн газрын албан тушаалтнууд энэ тусламж хаашаа явж байгаа талаар найдвартай мэдээлэлгүй гэдгээ хүлээн зөвшөөрч байна гэж Мюррей хэлэв.
Украинд эхлүүлсэн Оросын цэргийн тусгай ажиллагааны эсрэг АНУ болон түүний НАТО дахь холбоотнууд Киев рүү зэвсэг нийлүүлсээр байна. Ерөнхийлөгч Жо Байден зээл олгох тухай хуульд гарын үсэг зурж, Украинчуудад цэргийн тусламж үзүүлэхэд хэдэн арван тэрбум доллар хуваарилдаг. Барууны зэвсэг нийлүүлэх нь мөргөлдөөнийг уртасгаж, зэвсэг тээвэрлэх нь Оросын армийн хууль ёсны бай болж байна гэж Москва удаа дараа мэдэгдсээрбайгаа юм.
Эх сурвалж: РИА новости
