Ардчилсан намын дотоод хяналтын байгууллага болох "Үндсэн дүрмийн хороо" амралтын өдрүүдэд хуралдлаа. Хурлаар хууль бус Үндсэн хуулийн нэмэлт өөрчлөлтийг УИХ-аар хэлэлцүүлэн батлахад оролцсон Ардчилсан намын гэх нэр бүхий гишүүдэд хариуцлага тооцох асуудлыг хэлэлцсэн байна.
Тодруулбал, УИХ-ын гишүүн С.Одонтуяа, Адьшаа, О.Цогтгэрэл, Б.Бейсен нарыг АН-ын Үндсэн дүрмийг удаа дараа ноцтой зөрчсөн болохыг тогтоож АН-ын гишүүнчлэлээс хасах ҮДХ-ны дүгнэлт тогтоолыг гаргаж АН-ын дарга С.Эрдэнэд хүргүүлэхээр шийдвэрлэсэн юм.
Өнөөдөр /2022.08.29/ АН-ын дүрмийг зөрчсөн гэх гишүүдийг намаас хөөсөн талаар 11 цагт мэдээлэл хийхээр болжээ. Түүнчлэн энэ үеэр С.Одонтуяаг УИХ-ын дэд даргаас чөлөөлөх талаар мэдээлэл хийхээр болжээ.
