ОХУ-ын Ерөнхийлөгч Владимир Путин барууны хориг арга хэмжээний дарамтыг эсэргүүцэхийн тулд Ирантай худалдаа, цэргийн харилцаагаа ойртуулж байна гэж The Wall Street Journal (WSJ) сэтгүүлийн тоймч Бенуа Фаукон бичжээ.
Түүний хэлснээр, олон улсын тусгаарлалт нь Москваг илүү олон холбоотнуудыг хайхад хүргэж байна гэв. Шинжээчийн үзэж байгаагаар хоёр улсын худалдаа, цэргийн харилцаа өргөжин хөгжиж байгаа нь АНУ-ын түгшүүрийг төрүүлж байна. Америкийн улс төрчид энэхүү харилцан үйлчлэл нь барууны хориг арга хэмжээний үр дагаврыг бууруулахад тус хоёр улсад тусална гэж үзэж байна. Үүний ачаар талууд бүтээгдэхүүнээ борлуулах шинэ зах зээлтэй болно гэж тэд хэллээ.
“Долдугаар сард Иран Оросын улаан буудайн хамгийн том худалдан авагч болсон. Мөн тухайн сард Орос Ираны хиймэл дагуулыг сансарт хөөргөсөн нь Тегераны сансрын хөтөлбөрийн ховорхон амжилт гэж нэрлэгдэж байна. Түүнчлэн өнгөрсөн долоо хоногт Ираны арми Оросын хүчнийхэнтэй нисгэгчгүй нисэх төхөөрөмжийн чиглэлээр хамтарсан сургуулилт хийсэн" гэж ажиглагч онцлон тэмдэглэжээ. Тоо баримтаас харвал 2022 онд Орос, Ираны худалдааны эргэлт 10 хувиар өссөн байна.
Өмнө нь "Вашингтон Пост" сонины сэтгүүлч Дэвид Игнатиус мөн Орос, Ираны хооронд шинээр байгуулагдаж буй холбоотны аюулыг онцлон тэмдэглэж байсан юм.
Эх сурвалж: Лента.ру
