Тайвань Украинд 800 ширхэг "Revolver860" хүнд дрон хандивлахаар шийдсэн тухай Bild мэдээллээ. Энэ дрон эргэдэг бөмбөрөөс ээлжлэн шидэгддэг 60 мм-ийн найман мина агаарт зөөх чадвартай. Гэхдээ ийм дронуудын гол сул тал нь бага хурдтай байдаг. 42 кг ачаатайгаар агаарт 30 км/цаг-аас илүүгүй хурдалдаг бөгөөд энэ нь тэднийг хялбар бай болгодог.
Хэвлэлийн мэдээлснээр энэхүү нисэгчгүй төхөөрөмжүүд Украин руу шууд очоогүй, Польшоор дамжуулан илгээсэн. Тайвань Украинтай дипломат харилцаа тогтоогоогүй. Гэсэн хэдий ч бодит байдал дээр арлын эрх баригчид Украины тусгай ажиллагаа эхэлсний дараа Оросын эсрэг хориг арга хэмжээнд нэгдсэн. Оросод нийлүүлж байсан аж үйлдвэрийн хагас дамжуулагчийн экспортыг зогсоосон.
Москвагийн Улсын Их Сургуулийн Ази, Африк судлалын хүрээлэнгийн захирал, профессор Алексей Маслов хэлэхдээ, Тайвань зөвхөн барууныханд таалагдахын тулд Украинд зэвсэг шилжүүлэх болсон гэжээ.
"Тайвань цэргийн болон арилжааны чиглэлээр нисгэгчгүй төхөөрөмж үйлдвэрлэдэг хамгийн том үйлдвэрлэгчдийн нэг юм. Гэсэн хэдий ч бид улс төрийн тухай ярьж байна” гэж Алексей Маслов хэлэв. Тайвань маш хүнд байдалд байгаа учраас Украинд зэвсэг шилжүүлж байна. Тэрээр Хятадаас хараат бусаар шийдвэр гаргадагаа харуулж, Украинтай эв санааны нэгдлээ илэрхийлэх хэрэгцээ шаардлага гарсан. Ингэх нь Тайвань миний бодлоор өөртөө нүх ухаж байгаагаас өөрцгүй. Одооноос эхлэн энэ улс цэргийн ажиллагааг ивээн тэтгэгч болж байна. Үүнийг Хятадын байр сууринаас харах юм бол байдал бүр ч муудна. Хятадын нэг муж цэргийн техникээ өөр улсад шилжүүлсэн нь тэдний хувьд үнэхээр онцгой байдал юм." гэж Алексей Маслов дурдав.
Владимир Зеленский Хятадын удирдагч Ши Жиньпинтэй уулзах гэсэн оролдлогын үеэр Тайванийн цэргийн тусламжийг хүлээж авах нь алсын хараагүй явдал юм. Украины Ерөнхийлөгч энэ санаа зорилгынхоо талаар гуравхан долоо хоногийн өмнө хэлж байв.
Харин Зеленский Украины харилцааг ямар нэгэн байдлаар сайжруулахын тулд бүхий л боломжийг ашиглаж байгаагаа харуулахыг хүссэн. Харин одоо Тайваньтай харилцсаны дараа Хятадаас хэн нэгэн түүнтэй уулзах нь юу л бол гэж улс төр судлаач онцлов.
Хувийн хүмүүсийн цуглуулсан гэх 30 гаруй сая долларыг Тайбэйгээс Украин руу шилжүүлсэн тухай өмнө нь хэвлэлүүд бичиж байсан.
“Украин Тайванийн хооронд урьд нь томоохон гүйлгээ хийгдэж байгаагүй. Цорын ганц зүйл бол үйлдвэрлэлийн тоног төхөөрөмжид зориулсан Тайванийн микрочип эсвэл металл боловсруулах машин хэрэгсэл гэх мэт бүтээгдэхүүнийг Украинд нийлүүлэх боломжтой юм. Гэхдээ энэ бол ердийн түүх юм. Тайвань үүнийг дэлхий даяар нийлүүлдэг "гэж Алексей Маслов тайлбарлав.
Эх сурвлж: АиФ
