2100 он гэхэд дэлхийн олон оронд цаг агаар онц аюултай халуун бий болно. Энэ тухай АНУ-ын Харвард, Вашингтоны их сургуулийн эрдэмтдийн хийсэн судалгаанд үндэслэн ScienceAlert мэдээлэв.
Хойд Америк, Европ болон экваторын ойролцоох орнуудад уур амьсгалын өөрчлөлт гарна гэж шинжээчид тэмдэглэжээ. Хамгийн муу тохиолдолд экваторын бүс, ялангуяа Энэтхэг, өмнөд Сахарын бүс нутгуудад туйлын аюултай нөхцөл байдал хэвийн үзэгдэл болж магадгүй юм. Энэ тохиолдолд хүмүүс гадаа байх аргагүй болно.
Түүнчлэн эрдэмтэд өргөрөгийн дунд бүсийн газар нутагт жил бүр хүчтэй халууны давалгаа ажиглагдана гэж үзэж байна. Жишээлбэл, Чикаго хотод 2100 он гэхэд аюултай халуун 16 дахин нэмэгдэх магадлалтай.
АНУ-ын Үндэсний цаг уурын албаны мэдээлснээр аюултай халууны индекс Цельсийн 39.4 хэм, онц аюултай 51 хэм байх ажээ.
Москвад саяхан 1988 оноос хойшхи хамгийн өндөр температур бүртгэгдсэн тухай өмнө нь мэдээлж байсан. Тодруулбал, цаг уурчдын мэдээлснээр наймдугаар сарын 25-ны 12:00 цагт 30.3 хэм хүрч халжээ.
