Монгол Улсын чуулганы хуралдааны дэгийн тухай хууль болон , Монгол Улсын Үндсэн Хуульд заасны дагуу Цэцийн тогтоолоор хууль тогтоолын зарим зүйл хэсэг заалтыг хүчингүй болгосон бол УИХ хууль тогтоолд нэмэлт өөрчлөлт оруулах эсэх асуудлыг шийдвэрлэнэ. Мөн байнгын хорооны гишүүдийн олонх хууль тогтоолд нэмэлт өөрчлөлт оруулах нь зүйтэй гэж үзвэл хууль тогтоолд оруулах нэмэлт өөрчлөлтийн төслийг боловсруулж, санал дүгнэлтийн хамт нэгдсэн хуралдаанд оруулна гэж заасны дагуу төрийн байгуулалтын байнгын хороо хуралдлаа.
Хуралдааны үеэр УИХ-ын гишүүн Д.Тогтохсүрэн : "ЗГ-ын тухай хуульд орж байгаа өөрчлөлт бол үндсэндээ өчигдөр бидний ярьж байсан асуудал. Өчигдөр Үндсэн Хуулийн 39-р зүйлийн 1.2 -т заасан өгүүлбэрийг хассан бол өнөөдөр ЗГ-ын хуулин дээрээс хасаж байна. Тийм учраас хуулийн төслийг анхны хэлэлцүүлгээр нь батлах санал гаргаж байна. Байнгын хорооны гишүүд дэмжиж өгөхийг хүсье" гэлээ.
Иймд Д.Тогтохсүрэн гишүүний гаргасан саналаар анхны хэлэлцүүлгээр нь эцэслэх саналын дагуу санал хураахад 11 байнгын хорооны гишүүдээс 10 нь зөвшөөрч 90,9 хувиар дэмжлээ.
Г.Бүжинлхам
