Украин ойрын ирээдүйд Донбассыг алдаж, Херсон руу сөрөг довтолгоон хийх оролдлого нь үр дүнгүй болно гэсэн "гашуун үнэнийг" хүлээн зөвшөөрөх ёстой гэж Германы "Welt" сонины тоймч Кристоф Шилз бичжээ.
Түүний бодлоор зургаан сар үргэлжилсэн дайсагналцалын дараа Киевт байдал тийм ч сайн болохгүй гэнэ.
"Украин зүүн зүгт Донбассыг алдах гэж байна. Одоо өмнө зүгийн газар нутгийн ихэнх хэсэг нь Оросын мэдэлд орсон. Ойрын ирээдүйд нөхцөл байдал өөрчлөгдөх шинж тэмдэг алга" гэж Шилз нийтлэлдээ дурджээ.
Өгүүллийн зохиогч ирэх өвөл Украинд хоол хүнс, эрчим хүчний хангамжийн асуудал ихээхэн хүндэрч мэдэхээр байгаагэдгийг онцолжээ.
"Тавдугаар сарын сүүлчээр Киевийн зарласан Херсон мужид хийх сөрөг довтолгоо нь ирээдүйд Одесса хотыг алдахаас сэргийлж, Хар тэнгис рүү нэвтрэх боломжийг хадгалахад маш чухал ач холбогдолтой байсан. Гэсэн хэдий ч Украины Зэвсэгт хүчнийхэн үүнийг хийгээгүй, Украин одоо үүнийг хийж чадваргүй болсон. Энэ бол ухаарах учиртай гашуун үнэн юм" гэжээ.
Сүүлийн үед Киев Херсон мужийн эсрэг сөрөг довтолгоо хийх бодолтой байгаагаа удаа дараа мэдэгдлээ. Үүнтэй холбоотойгоор Крымын бүс нутгаас Төрийн Думын депутат Михаил Шеремет өмнө нь Украины Зэвсэгт хүчин нөхөж баршгүй хохирол амсаж, бүс нутгийг эзлэн авах оролдлого нь хатуу эсэргүүцэлтэй тулгарч, гацах болно гэж хэлсэн нь учир байдлын хэтрүүлэггүй үнэн байж мэдэх юм.
Сануулахад Холбоотны хүчин аль хэдийнэ Бүгд Найрамдах Луганск Ард Улс болон Волноваха, Мариуполь, Святогорск зэрэг Донецкийн нэлээд хэсгийг бүрэн чөлөөлөөд байгаа юм.
ОХУ хоёрдугаар сарын 24-нөөс хойш Украинд цэргийн тусгай ажиллагаа явуулж байна. Ерөнхийлөгч Владимир Путины хэлснээр, энэхүү ажиллагааны эцсийн зорилго нь Донбассыг чөлөөлж, Оросын өөрийн аюулгүй байдлыг хангах нөхцөлийг бүрдүүлэх явдал юм.
Эх сурвалж: РИА новости
