УИХ-ын гишүүд сайд болохгүй, давхар дээл муухай гэдэг л дээ. Тийм атлаа "Давхар дээл" мөрөөдөж Засгийн газрыг шөвөгдөөд зүгээр байлгадаггүй. Хотод гэтэгч чоно адил дотоодын дайсан бий болж сиймхий гарвал Засгийн газар руу дайрна. Энэ үндсэн натураас болж олон ч Засгийн газар нурж байв шүү. Улс төрийн ямар ч хүчин байлаа гэсэн "Давхар дээл"-ийг углана. Нэг талаараа хуяг дуулга болж өөрийгөө болон Засгийн газраа хамгаална. Төр тогтвортой байх, бодлого чиглэл тууштай байхын үндэс "Давхар дээл" болчихоод байгаа юм. Сүүлийн 30 орчим жилүүдийн түүхийг хараад үзэхэд "Давхар дээл"-тэй Засгийн газрууд тогтвортой байсан байдаг. Эрээвэр хураавар эвсэл нэртэй Засгууд богино хугацаанд засаглаад унасан байх жишээтэй.
