Өнөөдрийн Үндсэн Хуульд нэмэлт өөрчлөлт оруулах хуулийн төслийн хэлэлцүүлгийн үеэр УИХ-ын гишүүн С.Ганбаатар Үндсэн Хуулийн Нэмэлт өөрчлөлтийн төслийг дэмжихгүй байгаагаа хэллээ.
Тэрээр “ Үндсэн хууль анх үүсэхдээ дур зоргоороо аашлахыг боомилох зоорилгоор бий болсон. Даварсан дарга нарын эрх ашгыг боомилох гэж үндсэн хууль гарсан. Товчхондоо анх Үндсэн Хууль үүсэхдээ хаадын эрх чөлөөг хязгаарлах зорилгоор үүсэж байсан.
Иргэдийг шүүдэг 830 хуулийг УИХ баталсан. Харин ганцхан Үндсэн Хууль 78 хүнийг шүүх гэж батлагдсан байдаг. Тиймээс бид энэ хуулиа өөрчлөх ёсгүй.
Үндсэн хууль бол хаад ноёдын зарлиг биш юм. Үндсэн хууль бол ард түмнээрээ нийтээрээ хэлэлцдэг гэрээ юм. Ард түмнээрээ ярьж шийдсэн шийдвэрийг бид ёсчлон биелүүлэх ёстой. Энэ бол бидний мэдлээс хэтэрсэн асуудал. Харин ард түмний саналаар шийдэх асуудал” гэлээ.
Мөн энэ үеэр УИХ-ын гишүүн С.Ганбаатар хуралд оролцохгүй гэдгээ хэллээ.
Г.Бүжинлхам
