Хичээл сургууль эхлэхтэй холбоотойгоор орон нутгаас Улаанбаатар хотыг зорих тээврийн хэрэгслийн тоо өсөж замын ачаалал нэмэгддэг. Тиймээс НЗДТГ-аас дараах арга хэмжээг авч ажиллахаар болж, захирамжийг танилцууллаа.
Хотын даргын хэвлэлийн төлөөлөгч Н.Сугар "Наймдугаар сарын 27-ноос ирэх есдүгээр сарын 3-н хүртэл 8 өдрийн хугацаанд өглөөний 08.00 цагаас 20.00 цаг хүртэл хугацаанд автомашинуудыг улсын дугаарын тэгш, сондгойгоор хөдөлгөөнд оролцуулахаар болж байна" гэж хэллээ.
Тухайлбал:
- 8-р сарын 27,29,31,9-р сарын 1-ны өдрүүдэд 1,3,5,7,9 дугаараар төгссөн тээврийн хэрэгсэл хөдөлгөөнд оролцоно.
- 8- р сарын 28, 30, 9-р сарын 2-ны өдрүүдэд 0,2,4,6,8 төгссөн дугаартай тээврийн хэрэгсэл хөдөлгөөнд оролцоно.
Өнгөрсөн жилийн энэ үед тээврийн хэрэгслийн тоо 418,825 байсан бол энэ жил 443 мянга давах тооцоо байна. Улмаар замын ачааллын улмаас 0 зогсолтонд хүрэх эрсдэлтэй тул дээрх арга хэмжээг авч хэрэгжүүлэхээр болжээ. Ингэснээр замын ачаалал 40 орчим хувь буурах юм.
