Украины Ерөнхийлөгч Владимир Зеленский Оросын тусгай ажиллагааны эхэн үед байлдааны ажиллагааг зогсооход тус дөхөм үзүүлсэн тохиолдолд огцрох эсвэл Киевийг орхиход бэлэн байсан гэж "The Washington Post" сонинд бичжээ.
Би эрх мэдлээсээ салахгүй гээд байгаа юм биш. Энэ нь зүгээр л миний байх эсэх тухай асуудал бөгөөд хэрэв цус урсахыг зогсоох юм бол би бүх зүйлд бэлэн байна. Тийм бол би яг одоо явна. Би эрх мэдлийн төлөө улс төрд ороогүй, хэрэв энэ нь дайныг зогсооно гэвэл би явах болно” гэж Зеленский хэлсэн байдаг.
Гэвч АНУ болон Европын албаны хүмүүс эрх мэдлийн тасралтгүй байдлыг хангах шаардлагатай байгааг Зеленскийд онцгойлон сануулсан тухай WP нийтлэлдээ дурджээ.
Зарим хүмүүс түүнийг өөрийн аюулгүй байдлыг хангах, эрх мэдлийн орон зайд орохгүйн тулд Киевээс явахыг уриалж байв. Украины удирдагчийн хэлснээр барууны зарим улстөрч мөргөлдөөнийг иймэрхүү аргаар аль болох хурдан зогсоохыг хүсчээ.
Барууны улстөрчид Украин тэснэ гэдэгт итгэхгүй байгааг тэрээр мөн онцолсон байна. Над руу залгасан бүх хүмүүсээс биднийг тэснэ гэдэгт итгэх хүн байгаагүй гэж Зеленскийн хэлснийг WP иш татжээ.
Украины Ерөнхийлөгч эх орныхоо иргэдэд тусгаар тогтнолоо сэргээсний баярын мэнд хүргэж, Киев энх тайванд найддаггүй, харин ялалтад хүрэхээр зорьж байна гэжээ. Францын L'Express хэвлэлд өгсөн ярилцлагадаа тэрбээр "Оросын амлалтад итгэж болохгүй" тул "Минскийн хэлэлцээрийг давтахыг" цаашид зөвшөөрөхгүй гэж мэдэгджээ.
Эх сурвалж: NEWS.ru
