Засгийн газрын бүх гишүүд УИХ-ын гишүүн байж болох давхар дээлийг зөвшөөрсөн заалт Үндсэн хуулийн өөрчлөлтөд орж байгаа нь сүүлийн өдрүүдэд шүүмжлэлийг дагуулаад байна. Ерөнхийлөгч асан Ц.Элбэгдорж Үндсэн хуулийн нэмэлт өөрчлөлтийн талаар өөрийн байр суурийг илэрхийлжээ. Тэрбээр:
"Үндсэн хуулиар тоглогчдод хандаж хэлье. "Энэ үйлдлээ нэн дариу зогсоо! Хэтэрлээ." Үндсэн хуулиар тоглох бол улсаараа тоглохтой утга нэг. Бираагийн Чимид гуай "Үндсэн хууль бол алганд багтсан Монгол улс" гэж хэлснийг нэмж сануулъя. Сануулга авахгүй бол сайн үйлс ч бурууддаг" гэжээ.
