О.Батнайрамдал: АИ-95 болон ДИЗЕЛЬ түлшний үнэ өнгөрсөн амралтын өдрүүдээр литр тутамдаа 300 төгрөгөөр буурсан байна. Дэлхийн зах зээл дээр өнгөрсөн 2 жилийн хугацаанд өсөлттэй байсан түүхий газрын тосны үнэ сүүлийн өдрүүдэд буурлаа. Саяхан түүхий газрын тосны 1 баррелын үнэ 135 доллар байсан бол өчигдөрийн хувьд 95 доллар болсон байна. Энэ нь дэлхийн зах зээл дээр газрын тосны үнэ буухад АИ-95 болон ДИЗЕЛЬ түлшний үнийн өөрчлөлттэй шууд хамааралтай нь харагдаж байгаа юм. Харин өргөн хэрэглээний АИ-92 бензиний хувьд "Рос Нефть" компанитай хийсэн хэлцлийн дагуу он дуустал 1тонн нь 830 доллараар авч байгаа учраас АИ-92 бензиний үнэ он дуустал өөрчлөгдөхгүй гэлээ.
