УИХ-ын ээлжит бус чуулганыг даваа гарагт зарлан хуралдуулахаар болсон. Ингэхдээ ээлжит бус чуулганы хуралдаанаар Үндэсний аюулгүй байдлын зөвлөлийн мэдээлэл, Монгол Улсын Үндсэн хуулийн цэцийн 2022 оны 02 дугаар тогтоолтой холбоотой асуудал, цаг үеийн асуудлаарх мэдээлэл сонсохоор төлөвлөөд байгаа.
Гэхдээ эрх баригчдын хувьд Үндсэн хуульд нэмэлт, өөрчлөлт оруулна гэдэгтээ хатуу зогсож байгаа бөгөөд энэ нь сонгуулийн тогтолцоог өөрчлөх.
Мэдээж өмнөхөөрөө буюу одоогийн байгаагаараа байвал угаасаа сөрөг хүчингүй шахам болчихсон МАН-д ашигтай хувилбар. Гэхдээ өөрсдөө сонгодог парламентыг төгөлдөржүүлнэ гэх байр суурьтай байгаа учраас сонгуулийн тогтолцоог хөдөлгөх ёстой гэж үзсэн хэрэг.
Харин одоогийн УИХ-ын гишүүдийн хувьд сонгуулийн тогтолцоог бүхэлд өөрчилнө гэдэгтэй санал нийлэх хүн ховор. Тиймээс ч “зөрүүдэлж” буруу хараад байгаа гишүүдээ аргадахын тулд сайдын суудал шийдэж өгөхөөр болсон аж.
Угаас ингэж сонгуулийн тогтолцоогоо өөрчилчихвөл дараагийн удаа өнөөгийнх шиг аль нэг нам, улстөрийн хүчин үнэмлэхүй олонх болж, дураараа дургих боломж олдох ч үгүй. Сөрөг хүчин, цаашлаад иргэний нийгмийн төлөөлөл, бие даагчид УИХ-ын босго давах боломж бүрдэнэ.
Энэ эрхийг олж авахын тулд ҮХНӨ-ийг эхлүүлье гэсэн МАН-ынхан зарим золиос ашиглаж байгаа нь бараг Засгийн газраараа туг тахихад хүргэчихсэн бололтой.
Хөөрхий МАН-ын гар, хөл боллоо гээд чичлүүлээд байгаа ХҮН-ын Т.Доржханд тэргүүтнүүд ч арай холыг харахдаа Цэцэд хандсан гэдгийг тооцох хэрэгтэй байх.
Erennews.mn
