БНТУ-аас их хэмжээний алт, үнэт эдлэлийг хууль бусаар нэвтрүүлж, татвар төлөлгүй, гаалийн мэргэжилтнүүдтэй хуйвалдан оруулж ирдэг байсан бүлэг этгээдүүдийг цагдаагийн байгууллагаас шалгаж байгаа талаар бид өмнө нь мэдээллэсэн.
Тэгвэл уг хэрэг намжаагүй байтал өнгөрсөн баасан гарагт буюу 08 дугаар сарын 05-ны өдөр иргэн А нь Истанбул-Улаанбаатарын нислэгээр их хэмжээний алтыг хууль бусаар нэвтрүүлсэн хэрэг дахин илэрчээ. Цагдаагийн байгууллагаас уг хэрэгт Гаалийн Ерөнхий газрын эрх бүхий албан тушаалтнуудыг холбогдуулан шалгаж эхэлсэн байна.
Турк улсаас үнэт эдлэлийг хууль бусаар оруулж ирэхэд Чингис хаан нисэх буудал дах гаалийн газар болон ГЕГ-ын нэр бүхий албан тушаалтнууд холбоотой байж болзошгүй хэмээн үзэж мөрдөн шалгах ажиллагаа хийгдэж байгаа талаар эх сурвалж мэдээллээ.
