Хүй долоон худагт “Даншиг наадам-Хүрээ цам 2022” шашин соёлын наадам өнөөдөр эхэлнэ. Наймдугаар сарын 6, 7 буюу амралтын өдрүүдэд үргэлжлэх тус наадам нь аялал жуулчлалын өвөрмөц бүтээгдэхүүн болж, олон танигдсан.
Даншиг наадмаар шашны зан үйлээс гадна 256 бөх барилдаж, хурдан морьдын уралдаан, сурын харваа болно.
Энэ жилийн “Даншиг наадам-Хүрээ цам 2022” шашин соёлын наадмыг үзэхээр 150 жуулчин захиалга өгсөн байна. 2018 онд тус наадмыг үзсэн 2400 жуулчны олонх нь БНХАУ-аас зорин ирсэн байдаг.
Түүнчлэн манай улсыг зорин ирж буй нэг жуулчин дунджаар 2500 ам.долларыг зарцуулдаг гэсэн тооцоо бий.
Уншигч та бүхэнд “Даншиг наадам-Хүрээ цам 2022” шашин соёлын наадмын хөтөлбөрийг танилцуулж байна.
