Песков Путин идэвхтэй ажиллаж байгаа бөгөөд ерөнхийлөгчийн эрүүл мэндийн бүх зүйл сайн байгаа гэж батлав
Владимир Путины биеийн байдал сайн байгаа гэж ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков мэдэгдснийг РИА Новости уламжлав. Төрийн тэргүүн идэвхтэй эрч хүчтэй ажиллаж байгаа гэж Кремлийн хэвлэлийн төлөөлөгч мэдэгдэв.
ОХУ-ын ерөнхийлөгчийн тухайд би давтан хэлж чадна, түүний эрүүл мэндийн бүх үзүүлэлт сайн байна. Энэ ч үүднээсээ байнгын идэвхтэй ажиллаж байна, эпидемиологийн /халдварын/ урьдчилан сэргийлэх арга хэмжээ авсан" гэж Песков хэлэв.
Үүнээс урьд ОХУ-ын ГХЯ-ны сайд Сергей Лавров Европт В.Путин хүнд өвчтэй гэсэн цуурхалд тайлбар хийж байв. Сайдын хэлснээр, төрийн тэргүүн өдөр бүр олны өмнө гарч буйг харсан хэн ч гэсэн түүнээс өвчний шинж тэмдэг олж харахгүй нь лавтай гэж тодотгож байв.
Түүнчлэн Беларусийн Ерөнхийлөгч Александр Лукашенко Путины биеийн байдлыг үнэлэхдээ "Тэр бол бүрэн эрүүл саруул, бие бялдрын хувьд тэгш тамирчин хүн" гэж мэдэгджээ. Лукашенкогийн хэлснээр ОХУ-ын дотор төрийн тэргүүнд итгэх итгэлийг алдагдуулахын тулд эрүүл мэндийн байдал муу байгаа тухай цуурхал яриаг өдөөж байна гэсэн юм.
Эх сурвалж: News.ru
