Украины ерөнхийлөгч Владимир Зеленский өчигдөр буюу 17-ны өдөр Ирина Венедиктоваг ерөнхий прокурорын үүрэгт ажлаас нь, Иван Бакановыг Үндэсний аюулгүй байдлын товчооны даргын үүрэгт ажлаас нь тус тус чөлөөлөх зарлигт гарын зсэг зуржээ. Украины ерөнхийлөгч Владимир Зеленский видео илтгэлдээ: "Аюулгүй байдлын салбар болон хууль сахиулагч байгууллагын ажилтан нэг бүрийн “бодит үйлдэл, идэвхгүй байдал”-д үнэлгээ хийнэ, Украины хууль сахиулах байгууллагын мөрдөн байцаалт эхний шатанд үр дүнд хүрч байгаа бөгөөд цаашид ч үргэлжлүүлнэ" гэсэн байна.
Украины Үндэсний мөрдөн байцаах товчоо болон Үндэсний аюулгүй байдлын товчоо тусгай ажиллагааны явцад Украйны Үндэсний аюулгүй байдлын товчооны нэгэн ажилтан Оросын тагнуулын байгууллагад үйлчилснийг илрүүлэн баривчилжээ. тухайн этгээд энэ оны 3-р сараас өмнө орон нутгийн аюулгүй байдлын салбарын удирдах албан тушаалтнаар ажиллаж байсан хэмээн Украины төрийн мэдээлэх агентлаг 17-нд Украины Үндэсний мөрдөн байцаах товчооны мэдээллээс иш татан мэдээлжээ.
