Амралт, аялал зугаалгын улирал эхэлсэнтэй холбогдуулан цус, цусан бүтээгдэхүүний хангалттай нөөцийг бүрдүүлэх зорилгоор энэ бямба гарагт буюу маргааш Баянзүрх дүүргийн цус цуглуулах төв ажиллах юм байна. Ажлын өдрүүдэд цусаа бэлэглэх боломжгүй иргэд, цусны доноруудад зориулж уг өдрийг гаргажээ. Баянзүрх дүүргийн цус цуглуулах төв нь Улсын хоёрдугаар эмнэлгийн зүүн талд байрладаг. Маргааш 09.00-13.00 цагийн хооронд цус цуглуулна.
