Олон улсын харилцааны хурцадмал байдал болон БНХАУ-ын “Тэг-Ковид” бодлоготой холбоотойгоор дэлхий дахинд тодорхой бус байдал эрс нэмэгдэн, богино хугацаанд дэлхий нийтээр инфляц даамжрах, эдийн засгийн өсөлт удаашрах эрсдэл өндөр хэвээр байна. Манай орны хувьд цаашид урд болон хойд хилийн нөхцөл байдал, түүнтэй холбогдон эдийн засгийн идэвхжил сэргэхгүй байх, зардлын болон нийлүүлэлтийн шалтгаантай инфляц удаан хугацаанд үргэлжлэх, одоогийн түвшнээс нэмэгдэх эрсдэлтэй байна гэдгийг Монгодбанкнаас мэдэгдлээ.
