Гадаад худалдааны нийт бараа эргэлт 2022 оны эхний таван сарын гүйцэтгэлээр 7,221.0 сая ам.доллар болж, өнгөрсөн оны мөн үеэс 21.9 хувь буюу 1,295.4 сая ам.доллараар өсөж, гадаад худалдааны тэнцэл 946.5 сая ам.долларын ашигтай гарсан байна
Экспорт: Эхний таван сарын гүйцэтгэлээр 4,083.7 сая ам.долларт хүрч, эдийн засаг хэвийн байсан 2019 оны мөн үетэй харьцуулахад 820.4 сая ам.доллар буюу 25.1 хувиар өссөн бол өмнөх оны мөн үетэй харьцуулахад 759.8 сая ам.доллар буюу 22.9 хувиар өссөн байна.
Импорт: Эхний таван сарын гүйцэтгэлээр 3,137.3 сая ам.долларт хүрч, 2019 оны мөн үетэй харьцуулахад 822.2 сая ам.доллар буюу 23.1 хувиар, 2021 оны мөн үеэс 535.7 сая ам.доллар буюу 20.6 хувиар тус тус өссөн байна
Нийт экспортын 82.9 хувийг эрдсийн бүтээгдэхүүний экспорт, 17.1 хувийг эрдсээс бусад бүтээгдэхүүн эзэлж байна. Эрдсийн бүтээгдэхүүний экспорт 3,384.9 сая ам.долларт хүрч, өмнөх оны мөн үеэс 592.0 сая ам.доллар буюу 21.2 хувиар өссөн бол эрдсийн бус бүтээгдэхүүний экспорт 698.8 сая ам.долларт хүрч, өмнөх оны мөн үеэс 167.8 сая ам.доллар буюу 31.6 хувиар өссөн байна.
Нийт экспортын 41.8 хувийг нүүрс, 32.4 хувийг зэсийн баяжмал, 10.8 хувийг боловсруулаагүй алт, 3.5 хувийг төмрийн хүдэр, 2.6 хувийг цайрын баяжмал тус тус эзэлсэн байна.
Эрдсийн бүтээгдэхүүний экспорт өнгөрсөн оны мөн үеэс 592.0 сая ам.доллар буюу 21.2 хувиар өсөхөд голлон нөлөөлсөн бүтээгдэхүүнүүдийг авч үзвэл:
1.Нүүрс: 5.7 сая тонн экспортолж, 1,705.1 сая ам.долларын экспортын орлого олжээ. Өмнөх оны мөн үетэй харьцуулахад нүүрсний экспортын биет хэмжээ 2.9 сая тонноор буурсан бол экспортын орлого 771.7 сая ам.доллароор буюу 82.7 хувиар өссөн байна.
Нэг тонн нүүрсний экспортын дундаж үнэ 297.7 ам.доллар болж, өнгөрсөн оны мөн үеэс 189.8 ам.доллар буюу 2.8 дахин нэмэгдсэн нь орлого өсөхөд голлон нөлөөлжээ.
2.Зэсийн баяжмал: Экспортын биет тоо хэмжээ 611.2 мянган тоннд хүрч, өнгөрсөн оны мөн үеэс 24.5 хувь буюу 120.1 мянган тонноор өссөн. Зэсийн баяжмалын экспортын орлого өнгөрсөн оны мөн үеэс 32.1 хувь буюу 321.4 сая ам.доллароор өсөж, 1,322.6 сая ам.долларт хүрсэн байна. Нэг тонн зэсийн баяжмалын экспортын дундаж үнэ 2,164.0 ам.доллар болж, өнгөрсөн оны мөн үеэс 125.1 ам.доллар буюу 6.1 хувиар өссөн нь экспортын орлого өсөхөд нөлөөлсөн байна.
3.Цайрын баяжмал: Экспортын тоо хэмжээ 50.8 мянган тонн болж, 105.5 сая ам.долларын орлого олсон байна. Цайрын баяжмалын экспортын орлого өмнөх оны мөн үеэс 23.9 хувь буюу 20.4 сая ам.доллароор өссөн байна. Цайрын баяжмалын биет хэмжээ 9.0 хувь буюу 5.0 мянган тонноор буурсан боловч нэг тоннын дундаж үнэ 36.2 хувиар өссөн байна.
4.Алт: Экспортын тоо хэмжээ 7.3 тоннд хүрч, 440.0 сая ам.долларын орлого орсон байна. Алтны экспортын биет хэмжээ өмнөх оны мөн үеэс 2.7 дахин өссөн ба экспортын орлого 1.7 дахин буюу 277.4 сая ам.доллароор өсчээ. Нэг тонн алтны экспортын дундаж үнэ 824.7 ам.доллар буюу 1.4 хувиар өссөн байна.
