
БНСУ-д хэрэг төвөгт холбогдсон, гэр бүлээсээ салсан, олон монгол эмэгтэйтэй гэрлэсэн жүжигчин Юү Түнийг Аялал жуулчлалын элч болголоо гэх мэдээлэл цацагдсан. "Соёлын элч болгох хүнээ судалч баймаар юм" гэх шүүмжлэл ч мөн гараад буй.
Энэхүү мэдээлэлд БОАЖ-ын сайд Б.Бат-Эрдэнэ тайлбар хийлээ. Тэрбээр:
“Хэт дэвэргэсэн мэдээллүүд явж байгаа тул мэдээлэл хүргэе. БНСУ-ын иргэн Юү Түн-ийг Солонгосоос Монголд аялсан анхны аялагч жүжигчин бөгөөд судалгаагаар Солонгосчууд нэвтрүүлгийг нь үзээд Монгол Улсад аялаж үзсэн гэсэн үндэслэлээр өргөмжлөл олгосон. Мөн өргөмжлөл олгосны дараа Монгол эмэгтэйчүүдтэй олон удаа гэр бүл болж байсан мэдээллүүд ирсэн бөгөөд 2022.06.21-ний өдөр буюу томилсноос 4 хоногийн дараа Өргөмжлөлийг цуцалсан болно. Сайдын зүгээс томилсон тушаал гаргаагүй бөгөөд зөвхөн өргөмжлөл олгох үйл ажиллагааг хийсэн болохыг мэдэгдэж байна” гэлээ.
