Хөнгөн атлетикийн 18 дахь удаагийн ДАШТ энэ оны долдугаар сарын 14-24-нд болно. Тэмцээний болзлыг ханган Монголоос гавьяат тамирчин Б.Сэр-Од, ОУХМ Б.Мөнхзаяа нар оролцохоор болсон. Тэгвэл БНСУ-д өчигдөр болсон "Seoul international marathon-2022" олон улсын тэмцээнд Монголын гурван марафонч оролцон, ДАШТ-д өрсөлдөх эрх авлаа. Үүнд ОУХМ Ж.Олонбаяр 02 цаг,10минут 59 секунд , "Хилчин" спорт хорооны тамирчин ОУХМ Д.Гантулга 02 цаг 11 минут 13 секунд, "Алдар" спорт хорооны тамирчин ОУХМ Ц.Бямбажав 02 цаг 11 минут 19 секундийн амжилтаар барианд орсон юм. Ингэснээр Монголын нийт таван тамирчин ДАШТ-д оролцохоор боллоо.