Улаанбаатар хотод энэ сарын 24-26-нд болох жүдо бөхийн Их дуулга тэмцээнд Оросын жүдочид өрсөлдөхөөр мэдүүлгээ илгээжээ. Ингэхдээ Оросын бус Олон улсын жүдо бөхийн холбооны /IJF/нэрийн өмнөөс барилдахаар хүсэлт гаргасан байна. IJF энэ хүсэлтийг хүлээн авсан талаар өөрийн веб хуудсандаа байршуулжээ.
ОХУ-ын багийн бүрэлдэхүүнд 2021 оны Будапештийн дэлхийн аварга Яго Абуладзе, “Токио-2020” олимпийн наадмын хүрэл медальт Мадина Таймазова, Европын хошой аварга Михаил Игольников, Европын аварга Алан Хубецов, Инал Тасоев, Ирина Долгова тэргүүтэй эрэгтэй, эмэгтэй жин тус бүрт хоёр, нийт 28 жүдоч барилдахаар нэрээ ирүүлээд байна..
Оросын жүдочдыг Улаанбаатарын Их дуулгад оролцуулж, дайныг өөгшүүлэхүй байхыг бусад орны тамирчид уриалсаар байна.