Италийн алдарт “Ла Скала” театр зургаадугаар сарын 8-нд 2022-2023 оны улирлын тоглолтуудаа зарлажээ. Энэ улиралд Монгол Улсын ардын жүжигчин Э.Амартүвшингийн “Ла Скала” театрт томоохон хоёр уран бүтээлд дуулахаар болсон байна.
Тэрээр Италийн агуу хөгжмийн зохиолч Ж.Вердийн баритон хоолойнд зориулан бичсэн оргил бүтээлүүдийн нэг "Макбет" дуурийн Макбет болон Умберто Жорданогийн бүтээл “Андре Чениер” дуурийн Жерардын дүрийг бүтээхээр болсон байна. Э.Амартүвшин 2020 оны аравдугаар сард “Ла Скала” театрын тайзнаа анх гарсан бөгөөд Ж.Вердийн “Аида” дуурьт таван удаа дуулж байсан юм.