Польшийн Ерөнхий сайд М.Моравецки мягмар гарагт хийсэн хэвлэлийн бага хурал дээр "Польш Украинтай зэвсгийн экспортын гэрээ хийх бөгөөд тус гэрээ нь сүүлийн 30 жилийн турших Польшийн зэвсгийн экспортын хамгийн том гэрээний нэг байж, нийт үнэ нь ойролцоогоор 3 тэрбум злот байх болно" гэжээ.
М.Моравецки Польшийн өмнөд хэсэгт байрлах зэвсгийн үйлдвэртэй танилцаж байхдаа дээрх мэдэгдлийг хийсэн юм. Тэрээр Украинд ямар төрлийн зэвсгийг гаргахаа зарлаагүй ч Польш улс Украинд 56 ширхэг "Клебо" хэмээх өөрөө явагч гаубицыг худалдахаар болсон гэж орон нутгийн хэвлэлүүд мэдээлж байна. М.Моравецки хэлэхдээ "Өмнө нь 18 "Клебос"-ыг Украин руу илгээсэн бөгөөд Польш улсад үйлдвэрлэсэн зэвсэг Украины зүүн бүсийн байлдааны талбарт маш чухал үүрэг гүйцэтгэсэн. Украины зэвсэг худалдан авах хөрөнгийн нэг хэсэг нь Европын холбоо, нэг хэсэг нь тус улсын төсвөөс бүрддэг. Польш энэ мөнгийг зэвсгийн үйлдвэрлэлийн хүчин чадлаа нэмэгдүүлэхэд зарцуулна" гэжээ.
