Үндэсний баялгийн сангийн тухай хуульд заансаар Хуримтлалын сан нь газрын хэвлийн баялгийн үр өгөөжийг арвижуулж, өнөөгийн Монгол Улсын иргэн бүрийн амьдралд бодит дэмжлэг үзүүлэх зорилготой. Үүний хүрээнд иргэн бүрт хуримтлалын нэрийн данс нээж, цаашид эрүүл мэнд, боловсрол, орон сууцны хэрэгцээнд зориулан ашиглах боломж бүрдсэн.
2025 оны жилийн эцсийн байдлаар иргэн таны дансанд 306.1 мянган төгрөгийн хуримтлал бий болсон байна.
Хуримтлалын нэрийн дансны хөрөнгийг 2030 он хүртэл зөвхөн хөрөнгө оруулалтын замаар хуримтлуулан, иргэний нэрийн дансанд тодорхой хуримтлал үүссэний дараа буюу 2030 оноос иргэн нэрийн данс дахь хуримтлалаа эрүүл мэнд, боловсрол, орон сууцны зориулалтаар зарцуулах боломжтой. Нэрийн данс нээх, бүртгэл хөтлөх, зарцуулах үйл ажиллагаа Засгийн газраас баталсан журмаар зохицуулагддаг.
Та И-Монголиа платформын профайл цэсийн “Чингис Хаан" Үндэсний баялгийн сан” хэсгээс өөрийн болон 18 нас хүртэлх насны хүүхдийнхээ нэрийн дансны үлдэгдэл болон өгөөжийг харах боломжтой.
Засгийн газраас 2027 онд авах Оюутолгойн ногдол ашгийг хэрхэн зарцуулах талаар иргэдийн дунд санал асуулга явуулсан. Санал асуулгад оролцсон иргэдийн дийлэнх нь Хуримтлалын нэрийн дансандаа хуримтлуулж, боловсрол, эрүүл мэнд, орон сууцны урьдчилгаа болгон ашиглана гэж хариулжээ.
Хуримтлалын нэрийн дансаа шалгах бол ЭНД дарна уу.
