Ардчилсан залуучуудын холбооны Ерөнхийлөгчийн "Ардчиллын галыг бадраах 5Z" мөрийн хөтөлбөрийн хүрээнд Глобал удирдагч их сургуультай хамтран хэрэгжүүлж буй "50+50" хөтөлбөрийн эхний ээлжийн суралцагчдыг сонгон шалгаруулж, батламжийг нь гардууллаа.
Батламж гардуулах ёслолд хөтөлбөрт шалгарсан 50 оролцогч батламжаа АЗХ-ны Ерөнхийлөгч Э.Галбадрал, УИХ-ын гишүүн, Ардчилсан намын залуучуудын бодлогын асуудал хариуцсан дэд дарга бөгөөд АЗХ-ны Бодлогын зөвлөлийн гишүүн П.Мөнхтулга, Глобал удирдагч их сургуулийн Удирдах зөвлөлийн дарга Б.Отгонбат, АЗХ-ны сургалт, хөгжил хариуцсан нарийн бичгийн дарга Д.Соёлмаа, Сургалт хөтөлбөрийн ажлын хэсгийн ахлагч Х.Байгальмаа, АЗХ-ны гишүүнчлэл, идэвхжүүлэлт хариуцсан нарийн бичгийн дарга С.Ням-Үжин нараас гардан авлаа.
Ингэснээр "50+50" хөтөлбөрийн оролцогчдын бакалавр, магистрын сургалт Глобал удирдагч их сургуульд эхэллээ. Хөнгөлөлттэй суралцах эрхээ батламжлан авсан суралцагчиддаа сурлагын өндөр амжилт хүсье.
