Цахим залилагчдын арга барил улам нарийсч, иргэдийг хохироох явдал буурахгүй байна. Сүүлийн үед AI технологи ашиглан бусдын дүр төрх, дуу хоолойг дуурайлган иргэдийг төөрөгдүүлж, мөнгө шилжүүлэхэд хүргэх болжээ.
Залилангийн шинж тэмдэг:
- AI ашиглан танил хүн, гэр бүлийн гишүүн, байгууллагын ажилтны дүр төрх, дуу хоолойг дуурайлган мөнгө нэхэх, өндөр хүүтэй зээл тусламж амлах, яаралтай тусламж хүсэх.
- Хуурамч видео дуудлага, аудио бичлэг, зураг ашиглан итгэл төрүүлэх.
- Яаралтай мөнгө шилжүүлэхийг шаардах, нууц үг, PIN код, нэг удаагийн баталгаажуулах код (OTP) авахыг оролдож байна. Тэгвэл үүнээс иргэн та урьдчилан сэргийлэх боломжтой.
Урьдчилан сэргийлэх арга хэмжээ:
- Мөнгө шилжүүлэхээс өмнө тухайн хүнтэй эсвэл байгууллагатай нь найдвартай сувгаар холбогдож баталгаажуулах.
- Танихгүй болон сэжигтэй холбоос дээр дарахгүй, хувийн болон банкны нууц мэдээллээ бусдад өгөхгүй байх.
- Сэжигтэй дуудлага, бичлэг, хүсэлтэд шууд итгэхгүй, мэдээллийг нягталж шалгах.
- Залилуулсан байж болзошгүй тохиолдолд цагдаагийн байгууллагад нэн даруй мэдэгдээрэй.
