УИХ-ын гишүүн О.Алтангэрэл "3 удаа шүүгдээд цагаадсан Монгол Улсын 27 дахь Ерөнхий сайд байсан Н.Алтанхуяг гэдэг хүнийг Ерөнхийлөгчийн сонгуульд нэр дэвших сургаар 4 дэхь удаагаа шүүгээд байгааг эрх баригчдын захиалга уу гэж хардаж байгаа" талаараа мэдээлэл хийлээ.
УИХ-ын гишүүн О.Алтангэрэл "Монгол Улсын 24 дахь Ерөнхий сайд Н.Алтанхуягтай холбоотой ээлжит шүүх хурал одоо явагдаж байна. 2017 оноос эхлэн шалгаж эхэлсэн. Үүнээс хойш дөрвөн жил сунжирч байна. Хэргийг хянан шийдвэрлэх явцад Н.Алтанхуяг гишүүнийг гурван удаа цагаатгасан. Гэвч шүүхийн цагаатгасан шийдвэрийг үл тоож байна. Н.Алтанхуяг Ерөнхийлөгчийн сонгуульд нэр дэвшинэ гэдгээ ил тод илэрхийлсэн. Ардчилсан Намаас өрсөлдөх боломжтой нэр дэвшигчдийн дунд хамгийн өндөр рейтингээр эрэмбэлэгдэж яваа улстөрч. 2027 оны УИХ-ын сонгуульд Ардчилсан Намаас өрсөлдөж болзошгүй учраас хэргийг удаашруулж, үүнд эрх баригч нам нөлөөлж байна гэж намын гишүүд, дэмжигчид үзэж байна. Энэ үйл явц бол Ардчилсан намыг Ерөнхийлөгчийн сонгуульд амжилтгүй оруулах гэсэн эрх баригчдын нөлөөлөл байх вий гэсэн болгоомжлол байна. Монгол Улсад эрх баригч намаас өөр хүн Ерөнхийлөгчид нэр дэвшиж болохгүй юм уу. Ардчилсан Намын нэр дэвшигч Ерөнхийлөгчийн сонгуульд ялж болохгүй юу. Рейтинг өндөртэй байгаа олонд танигдсан хүнийг хууль шүүхээр уяж байна" гэв.
