Улаанбурханы халдварын хүндрэлээр өчигдөр дахин нэг хүн нас барж, нийт нас баралтын тоо 13-д хүрээд байна. Мөн өчигдөр шинээр 15 тохиолдол батлагджээ. Одоогоор 4 хүүхэд хүнд байгааг ХӨСҮТ мэдээлжээ.
Халдварын нөхцөл байдлын талаар ХӨСҮТ "Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн програмд бүртгүүлээрэй. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалаарай" хэмээн анхаарууллаа.
