Дархан хотыг хог хаягдлаас салгах ажлыг “Гацаагч” хочтой Г.Лхагважаргал зогсоолоо. Г.Лхагважаргал нь аймгийн ИТХ-д төлөөлөгчөөр сонгогдсон цагаасаа орон нутгийн удирдлагуудыг шүүмжилж, санаачилсан ажил бүрийг эсэргүүцэж хоосон улс төр хийж ирсэн. Харин энэ удаа өөрийнхөө пи-ар хийдэг ажлаа үгүйсгэж төрийн ажлыг гацаав. Тодруулбал, Г.Лхагважаргал нь ам нээх бүрдээ хог хаягдлыг дахин боловсруулж, ангилж, эдийн засгийн эргэлтэд оруулах тухай ярьдаг. Үүнийг нь ч Дарханчууд сайн мэднэ.
Гэтэл улс төрийн оноо хайсан Г.Лхагважаргал хог тээврийн төлбөрийг зах зээлийн зарчмаар зохистой хэмжээнд нэмж Дарханыг хог хаягдлаас салгах ажлыг зогсоочихлоо. Төрийн ажлыг гацаачхаад “Хүний хаясан хог хүртэл төрийн, намын ашиг болчихдог нийгэмд бид амьдарч байгаа юм уу?” гээд попорч сууна.
Тэгвэл ажил гацаагч Г.Лхагважаргалын хөрөнгө орлого төлөөлөгчөөр сонгогдсон цагаас нь хойш үлэмж хэмжээгээр нэмэгдэж Засаг дарга Б.Азжаргалаас гурав дахин өндөр орлоготой нэгэн болжээ. АТГ-т мэдүүлсэн хөрөнгө орлогын мэдүүлгийг харвал Г.Лхагважаргалын жилийн орлого 308 сая, аймгийн Засаг даргын орлого 103 сая төгрөг байх аж. Энэ янзаараа 4 жил төлөөлөгч хийгээд тэрбумтан болох шинжтэй.
Эндээс нэг асуулт урган гарч ирж байна. Г.Лхагважаргал төрийн ажлыг гацааж, улстөр хийснийхээ хариуд АН-ын тэрбумтан ах нараасаа санхүүжилт авдаг юм биш биз. Аймгийн Ардчилсан залуучуудын холбооны тэргүүнээс өөр албан тушаалгүй залуу яаж ийм өндөр орлоготой болов. Төрийн ажил гацаагч Г.Лхагважаргал аа, хөрөнгө орлогоо нотолчих.
