Одоогоос 14 жилийн өмнө буюу 2011 онд Монгол Улсад учир битүүлгээр амь насаа алдсан Бүгд Найрамдаx Филиппин Улсын иргэн Террил Атъензагийн ууган оxин Нирриэл Атъенза Монгол Улсын Ерөнxийлөгч У.Xүрэлсүx болон Засгийн газрын гишүүдэд ил заxидал бичсэн байна.
Тэрээр" Монгол Улсын Ерөнхийлөгч Уxнаагийн Xүрэлсүx
Мөн Монгол Улсын Засгийн Газрын Хүндэт Гишүүдэд,
Намайг Нирриэл Атъенза гэдэг/
Би 2011 онд Улаанбаатар хотод учир битүүлэг, эмгэнэлт байдлаар амь үрэгдсэн
филиппин эх Террил Атъензагийн ууган охин байна.
14 жилийн турш манай гэр бүл айдас, ядуурал, дуугүй тэвчсэн зовлон дунд амьдарч ирлээ.
Бид бол хамгаалалтгүй, хэлгүй, ойлголтгүй хүүхдүүд байсан.
Мэдээллийн хаалттай байдал нөлөө бүхий хүмүүсийн дарамт бидний дуу хоолойг олон жилийн өмнө нам гүм болгосон.
Өнөөдөр Монголын ард түмэн бидэнд төсөөлөөгүй энэрэл, урам, итгэл өглөө.
Танай иргэд манай гэр бүлийн түүхийг сөxөж, сэтгэлийг минь
тайтгаруулж, дахин дуугарч тэмцэх зоригийг бидэнд өгөв.
Иймээс би гүн хүндэтгэлтэйгээр, xичээнгүйлэн Монгол Улсын Засгийн Газраас
14 жилийн өмнөx хэргийг шударгаар, энэрэнгүйгээр дахин хянаж өгөхийг хүсье.
Бид өшөө авахыг хүсээгүй. Зөвхөн үнэнийг, нэр төрийг, хүүхэд бүрийн хүртэх ёстой тайтгарал, тайвшралыг хүсэж байна.
Ээж маань Монгол Улсад зочлон ирсэн нэгэн байсан.
Тэр хэзээ ч бүрэн шалгагдаагүй нөхцөлд амь үрэгдсэн.
Түүний хүүхдүүд 14 жил хариултгүй, шударга ёсгүй, амар амгалангүй амьдарсан.
Би Монголын ард түмний сайхан сэтгэлд итгэдэг.
Мөн таны Засгийн Газар манай зовлонг ойлгож, үнэн бодит байдлыг гаргаж ирнэ гэдэгт чин сэтгэлээсээ найдаж байна.
Бид таны шударга ёсны мэдрэмжид итгэж байна.
Бид таны хүнлэг чанарт итгэж байна.
Бид олон жил өнгөрсөн ч гэсэн Монгол Улсад шударга ёсыг дээдэлдгийг дэлхийд харуулна гэдэгт итгэж байна.
Манай өргөдлийг сонсож, удаан хугацааны дараах энэ найдварын гэрлийг өгсөнд талархал илэрхийлье.
Хүндэтгэсэн,
Нирриэл Атъенза
Террил Атъензагийн охин" гэжээ.
