Оюутолгойн бүлэг ордын асуудлаар хянан шалгах түр хороо 12 дугаар сарын 8-12-ны хооронд зохион байгуулагдана. Үүнтэй холбоотойгоор 300 хүнийг гэрчээр оролцуулна хэмээн өчигдөр нэрсийг зарласан юм.
300 гэрчийн дунд Ерөнхий сайд асан С.Баяр дуудагдсан юм. Тэрбээр өөрийн цахим хуудаснаа байр сууриа илэрхийлжээ.
Тэрбээр, " "300 гэрч, есөн Ерөнхий сайд. Базар, вокзал… Хэн ч танихгүй хэдэн шинэков мань мэтийн фон дээр попрох юм байх. Боддог л бодол. Гэвч уучлаарай. Та хэдийг саатуулах цаг зав маниуст алга. Надаас тухайлан асуух юм буй бол бичиг явуул. Агуулга байх аваас хариулж болох юм" гэжээ.
