Тодруулбал тус яам албан ёсны Телеграм хуудас дээрээ ням /2024.06.30/ болон даваа гарагт /2024.07.01/ Харьков мужийн Степова Новоселивка, зүүн бүсийн Донецк муж дахь Новоолександривка, Новопокровский, Спирне тосгоныг хяналтдаа авсан гэсэн юм.
Харин “Deep State” нэртэй Украины дайны блогоос гаргасан газрын зураг Степова Новоселивкаг Украины хяналтад байсаар байгаа гэж харуулсан бол Спирне тосгоныг хоёр хүчний хооронд хуваагдсан гэж дүрсэлжээ.
Новопокровский, Новоолександривка тосгон нь Авдеевка хотоос зүү хойд бүсэд оршддог. Авдеевка хотыг ОХУ-ын арми хоёрдугаар сард хяналтдаа авсан.
Үүний дараа ОХУ-ын Донецк муж болон зүүн фронт дахь довтолгоо эрчимжсэн. Хэдийгээр Украины хүчин Авдеевкагийн дараах довтолгоог удаашруулж чадсан ч Москва бага багаар ахиц гаргасаар байгаа юм.
ОХУ-ын эрх баригчид бага багаар ахиц гаргаж буй урт хугацааны стратегиа хадгалахаар шийдсэн бололтой.
Энэ талаар “Institute for the Study of War” тинк танк ням гарагт /2024.06.30/ “Путин ОХУ-ын арми аажим аажмаар ахиц дэвшил гаргах байдлаар ялах онолыг боловсруулсан” гэж бичжээ.
Эх сурвалж: Newsweek
