Амь хохирогч Г.Батбаяр нь "гаднын нөлөөгүй нас барсан" гэх дүгнэлт гарч, хэргийг хаахаар мөрдөх байгууллагаас прокурорт санал хүргүүлээд байна.
Хэрэв прокуророос мөрдөгчийн уг саналыг үндэслэлтэй гэж үзвэл өмгөөлөгч асан Г.Батбаярын амь насаа алдсан хэргийг "Гаднын нөлөөгүй" хэмээн хаах аж.
Түүнийг нас барснаас хойших энэ хугацаанд талийгаачтай ярьж байсан болон хамаарал бүхий, ажлын хамтрагчид, холбоотой байсан хүмүүс түүний гэр бүлд дарамт нэлээн ирж байгаа тухай мэдээллүүд гарч байна. Зарим эх сурвалжуудын мэдээлж байгаагаар талийгаачтай хамт ажилладаг байсан өмгөөлөгч Б.Долгион хоёр ч удаа үл таних хүмүүст зодуулж, хүнд гэмтэл авсан гэх мэдээлэл байгаа юм.
