Улс орон хаашаа явж байна вэ. Энэ удаагийн УИХ-ын сонгуульд МАН-ын мөнгөний түрэмгийлэл АН-ын сул дорой байдал хоёр тэнгэр газар шиг зөрөөтэй харагдана. Завсаргүй найман жил Засгийн эрх барьчихаар мөнгөө багтаан ядсан, дээрэнгүй байдал ноёлоно. Харин АН-ын найман жил гудамжинд лааз өшиглөчихөөр өр шир, мөнгө төгрөгийн гуйлга тасрахгүй.
Сонгуулийн сүүлийн долоо хоногт ломбард хайсан гишүүд АН-аар эргэлдэнэ. Бүр ухуулагч нарынхаа цалинг тавьж чадахгүйд хүрч үнэн хэлээд байраа хааж байгаа штабууд ч байна. Ядахдаа шударга юм даа. Намынхаа төлөө машин тэргээ ломбардаад “Ардчилал ялах ёстой” гээд гүйж гишүүд ч байна.
Харин МАН-д бүх сайд дарга оччихсон ядарсан ард түмний саналыг авахыг тулд мөнгө хэрхэн тараахаа ярьсаар. Тэр их мөнгө тараах сургаар ядарсан ард түмэн яс горьсон гөлөг шиг гар дагуулсан харсаар байх юм. Сайд дарга нар хэн дээр бооцоо тавихаар шийдэж ядан казино тоглож байгаа аашилна.
Нүүрсний 44 их наяд, Ковидоос хулгайлсан 20 их наяд, ногоон автобуснаас хулгайсан хэдэн зуун тэрбумууд сонгогчдын санал худалдан авахаар эргэн иржээ. Хулгайч, дээрэмчдээр хүчээ зузаатгасан МАН-ын мөнгөний эсрэг АН яаж чадахгүй байна. Бүр сүүлдээ АН-ын ухуулагч нарыг худалдан аваад зогсохгүй нэр дэвшигч нарт мөнгө төгрөг амлаад эхэлсэн сураг байна.
