“Их Долоо” буюу АНУ, Их Британи, Франц, Канад, Итали, ХБНГУ, Япон зэрэг улсуудын уулзалт зургадугаар сарын 13-наас зургадугаар сарын 15-ны өдөр Итали улсад болж байна. Тус уулзалтаар Орос-Украин, Израил-Палестин зэрэг томоохон мөргөлдөөн болон бүс нутгийн хөгжил, эдийн засгийн асуудлаар талууд санал солилцож, нэгдсэн шийдвэрт хүрэх аж.
Зургийн эх сурвалж: bbc.com“Их Долоо”-ийн уулзалтаар эхний өдрийн уулзалтаар дайны дараа ОХУ-аас битүүмжилсэн хөрөнгө буюу 325 тэрбум ам.доллараас Украинд 50 тэрбум ам.долларыг зээлээр өгч, ОХУ-ын түрэмгийллийн эсрэг хариу арга хэмжээ авахад туслахаар бүлгийн удирдагчид тохиролцов. Тус мөнгө энэ оны эцсээр Украинд шилжих бөгөөд тус улсын дайны эсрэг хүчин чармайлт, эдийн засагт нь урт хугацааны шийдэл болж чадах юм.АНУ-ын ерөнхийлөгч Жо Байден “Энэ мөнгөн тусламж бол “Бид ухраагүй шүү” гэж ОХУ-д өгч буй сануулга юм. В.Путин биднийг салгаж чадахгүй. Украин энэ дайнд ялтал бид хамтдаа байх болно” гэж мэдэгдэв. Харин ОХУ-ын зүгээс “Их Долоо”-ийн энэ үйлдэлд хариу арга хэмжээ авахаа илэрхийлсэн байна.
Зургийн эх сурвалж: bbc.comМөн тус уулзалтын үеэр АНУ-ын ерөнхийлөгч Жо Байден, Украины ерөнхийлөгч Владимир Зеленский нар 10 жилийн хугацаатай, хоёр талт аюулгүй байдлын гэрээнд гарын үсэг зуржээ. Гэрээний дагуу АНУ-аас Украины цэргийн сургуулилтад тусламж үзүүлэх ч АНУ цэргээ дайны талбар луу илгээх үүрэг хүлээхгүй юм.Ерөнхийлөгч В.Зеленский “Их Долоо”-д талархсанаа илэрхийлээд, АНУ-аас дахин хэд хэдэн агаарын пуужин авах саналтай байгаагаа хэлжээ. Түүнчлэн БНХАУ-аас ОХУ руу ямар нэг зэвсгийн тусламж үзүүлэхгүй гэх амлалтыг БНХАУ-ын дарга Ши Жиньпин өгсөн талаар дурдсан байна.“Их Долоо”-ийн уулзалт 15-ны өдрийг дуустал үргэлжлэх бөгөөд бүлгийн удирдагчид дэлхий нийтэд тулгамдаж буй бусад асуудлыг хэлэлцэх юм.Эх сурвалж: BBC
