Бүх Монголын хийморь сүлдийг даасан Очирваань шүтээнтэй Отгонтэнгэр хайрахнаа хоймортоо залсан. Хутагт хувилгаадын Завхан сайхан нутаг.
Гэтэл нэг талаас тал нутагтаа баян чинээлгээрээ алдартай, уул уурхайн лицензийг тоо тоймшгүй эзэмшсэн, улс төрчийн хадам аав Ц.Цэрэнпунцаг дахин сонгогдохоор хүчийг үзүүлээд байна.
Нөгөө талаас сүсэг бишрэлийг дэлгэрүүлэгч, буян номын мөрөөр явсан, христийн сүм дуганыг Завханд барихад үнэтэй хувь нэмрээ оруулсан УИХ-ын гишүүн Б.Баярсайхан нар дахин сонгогдохоор Завханыг дайлаар мордов.
Хутагт хувилгаадын Завханг “заяагүй” улс төрчдөөр төлөөлүүлэх нь даанч харамсалтай.
Завханы ард түмэн УИХ-ын гишүүн ахайтан Б.Баярсайханыг “халхын заяаг хазайлгагч” хэмээн ярьдаг аж. Учир нь авшигтай нутаг усанд нь сүм дуган барихаар ихэд дэмждэгийг нутгийн иргэд таалдаггүй хэмээн хэдэнтээ хэлж байжээ.
УИХ-ын гишүүн Б.Баярсайхан болбоос шүдэнз Амараагийн эгч. Ийгл телевизийг Америк дах христийн шашнаас санхүүжилттэй телевиз байхад нь зар сурталчилгааны албанд ажиллаж байгаад Америк захирал Том Террийг нутаг буцахад нь гүйцэтгэх захирлаар ажиллаж байсан. Гэр бүлээрээ христэд итгэгчид.
Тэрбээр БСШУ-нд Төрийн нарийн бичиг хийж байхдаа Найрамдал зуслан дээр зохиогдсон нэгэн оройн арга хэмжээнд “агтавчаа” тайлж эргүүлсэн хэмээн тухайн үедээ хэвлэлээр шуугиад авсан. Тийм л дотоод гадаадад төрх нь зөрчилдөж явдаг хэл ам ихтэй эмэгтэй. Хэдэн ч удаа сандал суудлаасаа бууж шүүхдэв мэдэхгүй тоогоо алдсан. Ард нь асаалттай танк шиг шүдэнз зурдаг дүү байгаа гэж л найддаг байхдаа. Өнөөдөр харин шүдэнз хэр үнэд хүрэх бол бас л сонин. Өнгөрсөн 4 жилд ганц гялайх ажил хийсэн нь орон нутгийн сургуулийн дотуур байрны нойлын асуудал. Бодлого боловсруулах хууль санаачлах түвшинд бол тэр жулдна. Тархиных нь булчин сурсан мэдлэг нь амжихгүй. Ёстой л нөгөө ЭЕШ өгөхөд 300 оноо авах уу үгүй юу л болох байх.
Заяагүй Завханчуудын бас нэг “заяагүй сонголт” нь бөх гишүүн Цэрэнпунцаг байлаа. Өнгөрсөн 4 жилд ангидаа дасах гэж л их зовлоо хөөрхий. Одоо нэг учир начираа олоо болов уу. Хийж хэрэгжүүлсэн дорвитой ажилгүй гишүүн тэрбээр уул уурхайн хамгийн их лизенц эзэмшигчдийн нэг, архи пивоны үйлдвэртэй баян гэдгээрээ л дахин сонгогдоггүй юм бол бас л амжихгүй. Мөнгө сонгогдвол байдал өөр.
