Парис хотын захиргаа тавдугаар сарын 24-нд Эйфелийн цамхагт насанд хүрэгчид орох үнийг ирэх сараас 20 хувиар нэмэгдүүлэхээр санал хураажээ.Одоогоор жуулчид Эйфелийн цамхгийн оройд лифтээр зорчиход 29.40 евро буюу 43.06 сингапур доллар төлж байгаа бөгөөд энэ үнэ зургадугаар сарын 17-нд 35.30 евро болж өсөх хандлагатай байна.Мөн Парис хотын зөвлөл Эйфелийн цамхгийн оператор SETE-г дахин хөрөнгөжүүлэхийг дэмжиж, дэлхийн хамгийн алдартай дурсгалт газруудын нэгийг ажиллуулсных нь төлөө оператороос авдаг жилийн хураамжийг бууруулжээ. "Ковид-19" тахлын үеэр зочдын тоо буурч, засварын зардал нэмэгдсэн нь SETE-г алдагдалд оруулжээ. Энэ оны эхээр Эйфелийн цамхгийн ажилтнууд ажил хаялт зарласан. 2020, 2021 онд Ковид тахлын үеэр Эйфелийн цамхаг 120 сая еврогийн хомсдолд оржээ.Архитектор Густав Эйфелийн бүтээлийг 1889 онд Дэлхийн яармагт зориулан барьснаас хойш 19 удаа будсан байна. Зэврүүлэхгүйн тулд долоон жил тутамд будах хэрэгтэй байдаг аж. Харин дээд хэсэгт байрлах өндөр давтамжийн антеныг оруулбал 330 метрийн өндөртэй 300 метр төмөр хийцийг 2010 оноос хойш бүрэн будаагүй байна.Эх сурвалж: Straitstimes
