Сөүлийн хүн ам ойрын 30 жилийн хугацаанд бараг 1.5 саяар буурах төлөвтэй байгаа ажээ. Солонгосын Статистикийн агентлагийн мэдээлснээр Сөүлийн хүн 1.49 сая хүн, Пусан хотод 850 мянга, Өмнөд Кёнсан мужид 690 мянга, Дэгү хотод 580 мянга, Хойд Кёнсан мужид 460 мянга, Хойд Жеолла мужид 330 мянгаар буурна гэж тооцоолжээ.Судалгаанд хамрагдсан бүс нутаг бүрийн төрөлт, нас баралтын тоо, шинээр ирж буй оршин суугчдын цэвэр урсгал гэсэн гурван хүчин зүйл дээр үндэслэн тооцоолсон байна.Улсан, Кванжу мужид хүн амын бууралт тус бүр 290 мянга, Өмнөд Жоолла мужид 280 мянга, Тэжон хотод 220 мянга, Ганвон мужид 90 мянга, Хойд Чунчон мужид 80 мянга, Чежүчон 30 мянга, Чежү аралд 100 мянгад хүрнэ гэж үзэж байна. Өмнөд Чунчон мужид хүн амын тоо өөрчлөгдөхгүй, харин Сөүлийг тойрсон Кёнги мужид 120 мянгаар, Сэжонд 160 мянгаар нэмэгдэх төлөвтэй байна.Сар бүрийн төрөлтийн тухайд энэ оны хоёрдугаар сард улсын хэмжээнд анх удаа 20 мянгаас доошилж буурсан байна. Сэжон бол 2022 онд төрөлтийн тоо нас баралтын тооноос давсан цорын ганц бүс нутаг байсан ч тус хотод 2045 оноос эхлэн төрөлтөөс илүү нас баралт нэмэгдэх төлөвтэй байна. 14 болон түүнээс доош насны хүмүүсийн тоо 2022 онд 5,95 сая байсан бол 2052 онд 3,61 сая болж буурах төлөвтэй байна. Үүний дагуу тэд 2022 онд нийт хүн амын 11.5 хувийг эзэлж байсан бол 2052 онд ердөө 7.8 хувийг эзлэхээр байгаа аж. Үүний эсрэгээр 65 ба түүнээс дээш насны хүмүүсийн тоо 2022 онд 8,98 сая байсан бол 2052 онд 18,86 сая болж өсөх тооцоо гарчээ. Энэ насныхан 2022 онд 17,4 хувь байсан бол 2052 онд нийт хүн амын 40,8 хувийг эзлэх төлөвтэй байна.Эх сурвалж: Koreatimes
