Английн премьер лигийн үнэнч фанат “Манчестер Юнайтед”-ын Б.Очирваань хэдхэн хоногийн өмнө зорьсон газартаа очиж, хүссэн цэнгэлдэхдээ хөл тавьж, шүтээн хөлбөмбөгчинтэйгээ уулзсан.
Түүний энэхүү аялал өнгөрсөн оны тавдугаар сард эхэлсэн түүхтэй. Улмаар тухайн оны долдугаар сард “Манчестер Юнайтед”-ын албан ёсны сайтад монгол фанатын аяллын талаарх нийтлэл гарч байв. Энэ бол “Манчестер Юнайтед”-ын нэгэн монгол фанат “Улаануудын тоглолтыг үзэх” насан туршийн мөрөөдлөө биелүүлэхийн тулд эх орноосоо “Олд Траффорд” хүртэл дугуйгаар явахыг зорьж байна..." хэмээн онцлох тус нийтлэл юм. Мөрөөдлөө биелүүлсэн тэрбээр “Улаан чөтгөрүүд”-ийн алдарт тоглогч Рүүнитэй биечлэн уулзсан тэрбээр “Олд Траффорд” цэнгэлдэхэд тоглох урилга авчээ.
Энэ талаар өөрийн цахим хуудастаа “Би яг зүүдлээд байх шиг байна. Намайг хэн ч битгий сэрээгээрэй. Зургаан цагийн өмнө инстаграм дээрээ яг одоо мөрөөдлөөрөө амьдарч байна, гэхдээ миний мөрөөдөл 100 хувь биелээгүй байна. Би хэзээ нэг өдөр “Олд Траффорд”-д хөлбөмбөг тоглох болно гэсэн утгатай зураг пост хийсэн. Постоос хойш гурван цагийн дараа WhatsApp-аар чат ирэв. Шалгасан чинь “Манчестер Юнайтед”-аас холбогдож байна гэсэн мессеж байв.
-Чи Олд Траффордод хөлбөмбөг тогломоор байна уу?
-Тийм ээ, би маш их хүсэж байна.
-Пүрэв гарагт “Олд Траффорд”-д болох шоу тоглолтод урьж байна. Таны хичээл зүтгэл, үнэнч дэмжлэг, нийгэмд үзүүлсэн нөлөөгөөр та энэхүү тоглолтод оролцохоор боллоо” гэжээ.
Тэр маргааш “Олд Траффорд”-д тоглож, насан туршийн мөрөөдлөө биелүүлнэ
