Эх үрсийн баяр тун удахгүй болох гэж байна.
Энэхүү баяраар бяцхан үрсдээ чихэр, шоколадаар баялаг бэлэг сонгох нь элбэг. Хэдийгээр гоё чамин харагдавч энэ нь хүүхдэд хор нөлөөтэйг эрүүл мэндийн байгууллагаас анхааруулж байна. Учир нь чихэрлэг хүнс байнга хэрэглэснээр
- өсөлт хөгжил удаашрах
- таргалах
- шүд цоорох
- яс сийрэгжих зэрэг эрүүл мэндэд эрсдэл учруулдаг.
Мөн амттанд хэт хорхойсох, анхаарал төвлөрөлт болон хичээл сурлагадаа муудахад нөлөөлдөг гэж Нийгмийн Эрүүл Мэндийн Үндэсний Төвөөс мэдээлэв.
Иймээс чихэрлэг хүнснээс аль болох татгалзаж, хэмжээг нь цөөрүүлэн оронд нь ном, сэтгэхүй хөгжүүлэх тоглоом, бүтээлийн бэлдэц зэргийг хийх боломжтойг дурдъя.
