Аюулт үзэгдэл, ослын тохиолдол он гарсаар 1888 удаа бүртгэгдэж, өмнөх оны мөн үеэс 369 (24.3%)-аар өссөн байна.
Тохиолдсон аюулт үзэгдэл, осолд эхний дөрвөн сарын байдлаар нийт 3098 хүн нэрвэгдсэн байна. Үүнээс 87 хүн амиа алджээ. Мөн учирсан хохирлын хэмжээ 21 тэрбум төгрөгт хүрээд байна.
Тохиолдсон аюулт үзэгдэл, ослыг төрлөөр авч үзвэл, энэ оны эхний дөрвөн сарын байдлаар ус, цаг уурын гаралтай аюулт үзэгдэл 153 удаа, геологийн гаралтай аюулт үзэгдэл 32 удаа, биологийн гаралтай аюулт үзэгдэл 46 удаа, хүний үйл ажиллагаатай холбоотой осол 1657 удаа тус тус бүртгэгджээ.
Ойлголт, тодорхойлолт
Аюулт үзэгдэл: Хүчтэй цасан болон шороон шуурга, ган, зуд, үер, аянга, газар хөдлөлт, гал түймэр, хүн, мал, амьтны гоц халдварт өвчин гарах, хортон шавж, мэрэгч тархах зэргийг хэлнэ.
Гамшиг: Аюулт үзэгдэл, ослын улмаас олон хүний амь нас, эрүүл мэнд хохирох, мал, амьтан олноор хорогдох, эд хөрөнгө, түүх, соёлын дурсгалт зүйл, хүрээлэн байгаа орчинд улс болон орон нутгийн эдийн засаг, нийгмийн дотоод нөөц, боломжоос давсан хохирол учрахыг хэлнэ.
Эх сурвалж: ҮСХ, ОБЕГ
